Oroimiña

Oktabio Amortegi

euskaratzailea: Amillaitz

 Sorkaldeko igitai-alditik itzuli datorren

 gurdi urreztatuaren oroimiña...

 Nik, enararengatik maite nuan zeru gaiña;

 zuk, baratzeko lili ubela zendun samurren.

 Ta «eize-eguzkiak» argi-egoetan dakarren

 dirdaizko ikuspegi galdu eziña,

 ta arratsaldea —basarriko alaba liraiña—

 osiñetan igari dabil pozarren.

 Izar-lorez josia agertzen dan kanpaitorreak,

 soroetan zabaltzen duan paketan,

 bustiak datoz oroimiñak. Ta bizi-goseak

 —piztu-ala ain azkar galtzen zaigun mirariak—

 au du lan bakarra: bere orduetan

 josten asmatzea aren oroitz egalariak.