Au egun ain luzea

Leon Felipe

euskaratzailea: Muniategi'tar Sabin

 Au egun ain luzea

 eta, au bide ain latza,

 ain luzea da dana, ain luzea,

 ain luzea dan-dana, eta, ain latza!

 Zeruan dakust iltzatua

 eguzki sutsu eta, goitua,

 Lurra dana da lautada bat, lautada, lautada bat

 eta, lautada ortan... zugatz bat ere ez.

 Ain nekatua nua

 oldoztuz itzalperen bat nun ote dan,

 atsedena nai det, atsedena, atsedena besterik ez.

 Lo egin! Eta, berdin-berdin zait izan

 bai lizarpe edo, nekosta baten azpian.