|
Nere sorterriari
Olabeaga'tar Iņaki
Nere sorterri maite,
zu begira nago;
zure edertasunez
beti lillurago.
Begiak ezin ase,
asperge so ta so.
Zu bezin eder, txukun,
munduan ez dago.
Goizetik artzen dezu
nere agur ozena;
diztira laztangarri
ta muxu, batera.
Argi zuriz jantzita
zoragarri zera.
Maitetsua benetan,
neskatil antzera.
Ibai-jauzi gardenak,
gau ta egun luze,
lo gozotan eragin,
txintxo gorde naute.
Entzun nere gogoa.
Orrela nai nuke,
zure altzoan lo ta
bizi anitz urte.
|
