inprimatu
Tasun eta keri
Izenburua:
Tasun eta keri
Sinadura:
Balendin Aurre-Apraiz
Urkizaren iruzkina:
Egilea(k):
Aurre-Apraiz, Balendin

Argitalpena:
Olerti.
Urtea:
1967
Argitalpenaren urtea:
Alea:
1967 I-II Itzartze
Orrialdea:
24

Tasun eta keri

 

Aurraitz

 

 Garbia da maitasuna,

 zikiņa maitakeria.

 Bioen artean dabil

 gizartearen zoria.

 

 Zentzunen atsegin-billa

 keri-zaleak urduri.

 Maitasunaren bakeak

 itsas barea dirudi.

 

 Maitakerien bidea

 guzur-atsegiņez eder.

 Maitasunaren zidorrez

 neketzan be poza dager.

 

 Maitakeri ta maitasun

 ikusi dodaz jasaiten,

 baitegiko orma umeletan

 egun larriak idazten.

 

 Maitasunaren izkuntzan

 beti biotzak pozkida.

 Maitakeri-zirimolak

 gogoak illun ta artega.

 

 Maitakeri ta maitasun

 gizartearen gudua:

 Goi ba-ledi maitasunak,

 munduan bake osua.

 

 


inprimatu