Jaiki zaitez......!
Mendizabal
Jaiki zaitez, jaiki, Jainko Jauna!
ta nigan zatorzkit arin,
argi zaidazun barne illuna,
Zugandik urrun ez nadin!
Odei illunak ingura naute
gaztearo gordiņean...
Bakarrik nabil, argirik gabe,
norantza ez-jakiņean.
Oņez ikasten ari dan aurra
bezela oinkada zurrez
nabil, urrats bakoitzean lurra
noiz joko dedan bildurrez!
Gau illunean galdua doan
itxua nauzu, Jainkoa!;
bide-lagunik ez dut alboan
ta noraezean noa!
Oiņak koloka, barnea izu...
nun nabillen jakin gabe,
argiaren billa nabilkizu...
ta dena dakust illunbe!
Deiaren-deiez naukazu, Aita!
ta entzun nazazu laster,
Bide galduan bakar utzita
nik jo ez dezadan bazter!
Luza bai, luza Zure eskua,
ta egin zaidazu argi,
illun dakusdan bide galdua
ikusi dezadan garbi!
