Kukua

Satarka

 Odeirik

     Ez da gaur,

     Zerua

     Argitan.

 Kukua kukuka ari da

 Ariztiko zuaitzetan.

   Ku - ku... Ku - ku...

     Zuaitzak

     Ostotan,

     Landarak

     Loretan.

 Bai usai gozoa, zelai,

 Mendi ta bazter danetan.

 Ku - ku... Ku - ku...

     Bazterrak

     Alaitsu,

     Lur dana

     Paketsu.

 Negu txarrak alde egin du...

 Eguzkia dago indartsu.

   Ku - ku... Ku - ku...

     Erleak

     Iriña

     Xurgatzen

     Loretan.

 Ezti gozoa egin nai

 Gogoz beren erlauntzetan.

   Ku - ku... Ku - ku...

     Gogo ta

     Biotza

     Nik orain

     Pozetan.

 Gauz ederrak ikusi-ta

 Lilluratzen naiz benetan.

   Ku-ku.. Ku-ku...