Zugatz bati

(Negu aurrean)

Muniategi'tar Sabin

 Otz-ikaraz dart-dart,

 narru-gorrian zinkurinka,

 zinkurinka akusdan

 ene zugatz maite,

 zugatz billoiztu ori!

 Zeri degitzak negar

 eta, zer dala-ta?

 Zeren billa, zeri deiez abil

 aize gogor,

 ekaitz itsuaren menpe?

 Negar dagitzak

 orriño zimel,

 soñeko zar ustelari?

 Negar Udabarriko

 txoriño alai,

 eguzki epelari?

 Legortu begiok,

 baikortasunari ateak zabal;

 emon bularra

 aldi txar, era mingotsari!

 Zer dala-ta kikildu,

 ezbearrak eraginda...

 zer dela-ta begiak

 malko-iturri biurtu?

 Niretzat beintzat,

 eta... norentzat ez?

 Eure utsune ta akatzakin

 billoiz-billoizik, erantzita...

 len baño mardulago,

 len baño argiago,

 zindoago akust.

 ¡Azana az!

 ene zugatz: zer nai dok geiago?

 Zetako dozak orri zimelak,

 zekato guzur-berokiak

 txoriñoak —edurrak izututa—

 igandik ba'duaz igesi?

 ¡Oi, nok daikean

 adar puntatik beraño

 osoro biotza agertu;

 nok daikean

 (edonoren begi aurrean)

 burutik orporaño,

 gogoa erantzi!

 ¡Azana az!

 ene zugatz, ¿zer nai dok geiago?