Hogoitabortzgarren oreneko meditazionea!

Manex Erdozaincy-Etchart

 Zoin diren ederrak

                 Jaunaren obrak!

 Izadi guziak xoratzen nau!

 Begi beharrietarik sartzen zauzkitala:

 Izarren iñharrak eta iruzkiaren pindarrak

 Mendien gainen-gainak eta itsasoaren zabala

 Materiaren ixiltasuna eta bizidunen mintzoa!

 Izadi guziak xoratzen nau!

 Eta hobeki gizadiak emaiten diolarik bizia:

 Bortuan nexka baten begietan sortu argia

 Eta haren bihotzak ideki barne beroa

 Eta haren ezpainek murmurikatzen dautaten elhea!

         Zoin diren ederrak

         Jaunaren obrak

         Izadian eta Gizadian

         Ixiltasunean bezala elhean

         Bihotzek elgarri

         AMODIOA

         Mintzatzen

         Dutelarik!