Udazken

Joxe Lizarralde

 Ba-nator baratzetik.

 Bideak osto-tantaz beterik...

 Biotza tristerik.

 Baratzaren lillurak agur,

 txoriñu biurriak urrun,

 ai biotzaren itun!

 Xuspertu naiz usu.

 Ainbat liburu

 inguru-minguru,

 txori-antzo liru-liru,

 lore zabal usaintsu.

 Ara or nun iñutu,

 eder-miña nun lasaitu.

 Baratzeko osto illak,

 udazken ankerrak eraillak!

 Udazken,

 zer esan nai didak?

 Biziaren laburra

 ba-zekiat ;

 osto utsalak gaituk,

 bidaztiak.

 Alere, ez nauk kuzkurtu.

 Jaso diat ire kontseju:

 «osto-orde frutu;

 garaitu nai badek

 ildoan sartu».

 Bideetako ostoak

 zizta didate biotza.

 Lipar batez tristerik,

 argitu zait laiotza.

 Udaberriaren zai,

 berriro alai,

 lanean ernai.