Nere astotxo zintzoari
Lete
OARRA.Aurtzaroan astotxo bat izan nuen. Begira zergatik. Jaio ta amalau
illabete nituala, oņez juxtu juxtu ikastearekin bat batean, ŦPoliomielitisŧ
gaitzak bi oņak zearo igartu zizkidan, oņez ezin ibilik uzteraņo. Urteak ba-
zijoazten, eta gaur edo biar gizon izatera iritxi ezkeroz, beste erremediorik
gabe, eskola ikasi bearrean arkitzen nitzan. Gure erria guztiz aldapatsua da
ta, gaņera, eskola bideak osa traketsak ditu. Zer egin ni eskolaratzeko? Auxen.
Astotxo bat erosi ni bere gaņean eskolara joan al izateko. Ara, ondorenean,
alegin biziz bertsotan jarrita, nere astotxoaren berriak.
Doņua: Zortziko motxean.
1
Asto txiki polit bat
izan nun gaztetan,
berak ibiltzen nindun
jai eta astetan.
Beste bat zintzogorik
ez nere ustetan,
alakorik ez dago
seitatik bostetan!
2
Zazpi urte nitula
eskolara asi,
gurasoen ordena:
ŦGogotik ikasiŧ.
Bi oņak elbarri ta
oņez ezin kasi,
astoa izan nuen
lenbiziko Ŧtaxiŧ.
3
Bi oņak nola neuzkan
gaitzaren mendean,
oņez ezin korritu
iņolaz bidean.
Eskolara jun bear
nik derriorrean,
eta joaten nitzan
astoan gaņean.
4
Zenbat pagatu nuen
ba-dakit seguro,
etxera ekarri ta:
Dana zazpi duro!
Ta gaņean jartzeko
nik milla apuro,
errenditu zedien
kapatu aguro!
5
Pasta egiņa zuen
ark Errota-Berrin,
lendabizi aunditxo
pixun eta neurrin.
Atzez buztaneraņo
aurretik belarrin,
berakin gelditzen zan
era parregarrin!
6
Bigarrena izan zun
neurria artuta,
gelditu etzedien
pastapen galduta.
Duro bat pagatu nun
ala eskatuta,
onekin amar duro
dauzkat gastatuta.
7
Zazpi astoarenak
zortzi pastarekin,
beste biak nun diran
nai al dezu jakin?
Garbi esango dizut
arrazoiarekin,
aiek gastatu nitun
txikiadorekin.
8
Oraindik ez dirade
bukatu gastuak,
ez dizut esan kate,
zintxa, kabestruak
Oek apari, postre,
kafe bat juxtuak,
ara zenbat balore
izan zun astuak!
9
Kopetakok ba-zitun
nun aien berdiņek?
berari erregali
emanak Martiņ'ek.
Oi azal baten parpall,
txuri, polit, fiņek...
Igande ta jaietan
jazteko egiņek!
10
Illajez beltza zan da
muturrez zuria,
seņorita antzera
tipoz dotoria!
Oņezkari bizkorra,
jenioz noblia,
nun billatuko nuen
lagun bat obia?
11
Ezitzea kosta zan
amaika izerdi,
astakumea zan da
ezin egon geldi!
Ipur-saltalaria
andi ta emendi,
gaņetik egin nuen
milla zilipurdi!
12
Pentsua izaten zun
astean bi aldiz,
etzalako nekatzen
geiegi izerdiz.
Lenengo ostegunez
igandetan berriz,
arrotu etzedien;
bitan juxtu neurriz!
13
Udaberrian moztu
ijitoarekin,
zenbat eskatuko zun
Jaungoikoak jakin!
Eskatzea libre da
ukatzea berdin,
trato zerratzen zan
gero erdiakin!
14
Mozketa ondorenen
bizkarra orraztu,
olio ta ozpiņez
etzedien oztu.
Ille zarrak kendu ta
astotxoa poztu,
alimentu oberik
abereak ez-tu.
15
Pasta kentzean beti
pozez zaldaliak,
txalogarriak zitun
ark abildadiak!
Lurretikan altxa ta
astinduz atziak,
laixter uxatzen zitun
liztor ta elbiak!
16
Legorreta'ko Aizpe'n
jaio ta azia,
gero gure etxean
bizitza guzia.
Ementxe izan zuen
bere desgrazia,
Karnabal egun batez
utziaz bizia!
17
Ara zer bukaera
nere asto fiņak,
beretzako alperrik
ziran medeziņak.
Egiņagatik danok
gogoz alegiņak,
azkenik galdu zuen
tripetako miņak!
18
Beti portatu ziņan
zintzo eta jator,
neretzat izan ziņan
guztizko maitekor.
Orregatik zugana
gaur kantari nator,
nere izate dana
Zuri bai dizut zor!
1964'ko Dagonillaren 20'n.
San Bernardo eguna
|