Bidasoalde

Labandibar

euskaratzailea: L.B.

 Oro geldi; ixilpean.

 Txorrotxio bat ere ez,

 ez intziririk aizetan,

 ezta ur kantaririk ere:

 Oyartzun bat goialdetan!

 Basetxeak, zugastiak,

 mendi saillak urrunean,

 berde mota guzitakoz

 begi goza bearrean.

 Alde batera, zubia.

 ezkildorrearen ondoan;

 baselizatxo paketsu

 Jaizkibelen magalean.

 Orra Paisan ugartea

 gogaikor bakardadean;

 arrantzurako ontzixka

 kulunkari, lo, uretan.

 Oro geldi; ixilpean...