inprimatu
Mutil-neskarekikoa
Izenburua:
Mutil-neskarekikoa
Sinadura:
Jose Maria Gabriel y Galan
Urkizaren iruzkina:
(Eusk.: Luis Baraiazarra)
Egilea(k):
Baraiazarra, Luis

Gabriel y Galan, Jose Maria

Argitalpena:
Olerti.
Urtea:
1964
Argitalpenaren urtea:
Alea:
1964 III-IV Udazkena
Orrialdea:
90

                               Mutil-neskarekikoa

 

Gabriel y Galan

L.B.-k tajutua

 

 Ez da zeru-azpi onetan,

 mendi goian edo ordekan,

 Kataliņ, zu aņakorik,

 neska bat bikaņagorik

 jartzeko biotza irrikan.

 

 Goien-bordan jaioa, ta,

 toki lendik ain ederra,

 orain ederrago degu,

 arrosa zurigorritsu

 apaingarri zu bai-zera!

 

 Belardiko baso-lore,

 eguzki aizeak kolore

 damaizun arpegi ortan

 goizak utzi dizu bertan

 bere izpi ta argi-urre.

 

 Begi barrunbe oietan

 illun-argi jolasean

 eguzki dabill kiņuka,

 egun da gaua burruka

 zurekin ezkon naiean.

 

 Izaera duzu sotill,

 esakera, berriz, umill;

 maite-gose piztugarri,

 begi urdiņ, ille ori,

 zure aurrean nor ixill?

 

 Aritza bezin sendoa,

 etxetar dezu gogoa,

 enara goiz-kantaria,

 menditar ibilkaria,

 paguxoen antzekoa.

 

 Sagarrale gazi-geza,

 anpolaizko ezpaiņ ertza,

 mendiko uraren ozkirri...

 ontasuna den agiri

 nunaitik begira neza.

 

 Zorion amets egiņa,

 andregai biotz-biguņa,

 neretzako Jaungoikoak

 noizbait aukeratakoa

 asetzeko maitemiņa...!

 

 


inprimatu