Orduerditxo bat maitearekin

Beiztegi

 Nik ba-dut bai,

 Ba-dut min nunbait,

 Iakin arren ...ez dakit.

 Zergaitik, maitea,

 Zure burruketak ez dit

 Ene izkera txastatzea

 Lagamen?

 Zergaitik, ene biotz,

 Zer dala-ta zabiltz

 Bultzaka —bestera naiarren—

 Esku-utsez narabilzula

 Etsaiaren gazteluak,

 Eten barik, atzamarka

 Puskatzen?

 Zer axola neri

 Laterri, enda, erri,

 Zuzentasun edo alderdi,

 Negarrez bai nabil,

 Ene izkera eder,

 Polit, maite-maite,

 Zeu barik?

 Ene biotz, zuri iarraiz

 Naukazu itsu

 Aariketan, ler bearrez,

 Etsaia nun birrinduko...

 Obearen obez?

 Ene biotz, zeuk dakizu

 Ta nik ez!