Garaitza
Muniategi'tar Sabin
Eztakit nundik nora sortu zaidan! Aize,
aizetxo arin batek bultzatuz narama,
egaltxo izkutuan iaio dan begibide
zerupe argi, biotz emai, sen garbira.
Argibera aldatza goituz, nere utsean
eztakit oiņetan ze egotxoak ditudan;
eztakit ze giro, ikutuz datorkidan
nere amets gurena, nola egundu dan.
Gaiņik gain santzoka, zerutza ederrez
dana irudi ego, larrosa sorberri,
orri-arteko aize bigun, gelgarri...
Ta, egun alai, egiņaren gorasarrez
esku baten pozera neretu naiz dana,
izate berri bati osoro ernana.
