Negarra

Muniategi'tar Sabin

 Negarra dator

 lur, itxaso eta, aizez,

 or-emendik urtendako

 barre-karkaxa lasai batzukin,

 karkaxa batzukin nastua,

 aundiagotzeko ludia,

 etengabeko itunez.

 Eta, aizeak austu-ta,

 (orri zimel antzo)

 amets-itxaropenak duaz iges...

 Oi, ludi, ludi!

 noiz asetuko aiz

 negar-izardiz beteriko

 iturriaren ur minkatzez?

 Egalak illun,

 aulduta dagoz, itzalez iantziriko

 irudi argalez.

 Eta, itzala da nagusi,

 itzala nagusi

 eta, besterik ez!