Udazken

Satarka

 Udazken,

         Udazken!

         Etorri

         Aiz nik nai

         Baño len!

 Laburtu dituk egunak.

 Geiago luzatu gauak.

 Gaxo daganak beti nai

 Argi betea... goiz-alai.

 Ta gero ire illunabarra!...

 Euzki... odoletan gorri,

 Nagi sartzen itsaspera...

 Aulduta bere su-garra!...

 Gaxo dagonen gorputzak

 Dar-dar... ikaraz biotzak.

         Udazken,

         Udazken!

         Etorri

         Aiz nik nai

         Baño len!

 Alde egin ditek txoriak...

 Igartu ditut loreak...

 Ostoak il... da lurrera...

 Miñez daudenak leizera...

 Ta gero ire illunabarra!

 Euzki... odoletan gorri,

 Nagi sartzen itsaspera...

 Aulduta bere su-garra!

 Txoriño bat ekarri duk,

 Txori papar-gorriduna...

 Bere kantua bai ituna...

 Zañetako odol beroa

 Elur-otz biurtzen duna!

         Udazken,

         Udazken!

         Nigandik

         Juan-adi

         Len-bai-len!