Andrakillatxoa
Muniategi'tar Sabin
Gure neska, alabatxoak duten
andrakillatxo... O, ze panpiņa!
Amets-iturri jaio-berrien
jostallu kutun, pinpiriņa!
Beren eskutxo artean, laztan,
muxu-muxuka, ito-bearrean
eder-ederka; gozoro, maite...
irriparre begikoz dabilte.
Eta, aundi izatera, aundi,
bizitza emekiro goxatuz,
jolasean dabiltz bai, andrati,
geroa alai, biotz-eskuratuz.
O, amatasun ikasgu goiztar!
(bigarko gizonen mugal-garbi)
Bizitz arloan iraun-iturri
lore-kukullu, maitasun izar!
Begi sakon, eskutxo garbietan
bizia pozez gaņezka dabil;
pozez gaņezka eta, egatil,
neskatxoen amets ederretan.
Ta, doai berezizko amaketan
dana da, panpin-ikara ezti,
ezpantxo gazte irripartsuetan
dana, ume-dardara pozgarri.
Begletan gozo, maite-deadarka
ze, poz-ikara, argi goratze;
biotzez goi, zeruari ikutuka
ze, etorri Iaungoikozko bide!
Emetasun bigun, irriparrez
eskutxoak laztantzen dutena...
bai, dana edertzen dute, dana
esakera amati, biozkorrez!
