Meza barri bateko bertsoak
Enbeita'tar Balendin
Eleiza amak egun aundika
Ospatuten dau gaurkua,
Eleiziaren simintarri dan
San Pedro Aita Santua;
Aita Tomas'en Meza barria
Dogu egun aundikua,
Pedro lez Jaunak egingo al dau
Egizko apostolua,
Maitasunezko arimen artzai
San Pedron ordiezkua.
Jaungoikoaren ezkutapena
Sakona eta aundia,
Tomas jaunagaz egin dabena
Benetan miragarria:
Ardau ta ogian biurtu arazo
Jaunan izate guztia,
Oben guztiak parkatuteko
Damotso eskubidia.
Guk uste baiņo aundiago da
Eleiz gizon izatia.
Aita Tomas'en Meza barria
Pozikan dabe artutzen
Guraso, sendi, senide, auzo,
Danak dabe besarkatzen;
Au ikusiaz siņismendunok
Barrendik gara poztutzen;
Artzain batzuen jokerak baiņa
Baldin badozuz jarraitzen
Kostako yako banandu diran
Ardiak txabolaratzen.
Txabolatikan aparte ainbat
Ardi galdu gaur dabiltza,
Uste dabie ortik kanpora
Obia dala bizitza;
Zeozergaitik Jaunak jarriban
Bere lekuan bakoitza!
Geure burutik zorion billa
Emen alperrik gabiltza,
Zorun-bakea gura badogu
Maite dagigun kurutza.
Eguzkiaren argia baizen
Argi dizdira emoillia,
Barruko kezkak kentzen dituan
Goi-eskarrezko bakia,
Gorputz ta animen kaltegarrizko
Gaixoen osalaria,
Gure betiko zorioneko
Bizitziaren ogia...
Orixe dogu Jaunak damoskun
Eleiz gizon abadia.
