Ene adiskidea

(txango batez)

I.

 Goiz baten zan. Zerua arre..

 Euri-tantak lur gaiñez...

 Leia biziz eldu giñan,

 Guztiok zure miñez.

 Or, Urretxu'n, aurkitzean

 dardar yakun biotza.

 «Au al dozu adiskide»

 egin eustien otsa.

 Eta nik: «Bai, auxe!» Ordun,

 guztiok buru-utsik,

 Gernika'ko Arbola abes

 genduan biotzetik.

 Zuri agurka gerora

 sarri dabilkit amets

 eta, adiskide zurrian,

 gogoz oi zaitut gorets.

 Euri-tantak bedarrean...

 Odeiez zerua arre...

 Esna, biotzak, eta, buru-uts

 agurtu Iparragirre.