Neguak aldegiņaz batera
Muniategi'tar Sabin
I
Neguak aldegiņaz batera
bizia dator gaņezka, egan,
ibar, soro, zelaietan gora
ezetasun eme, gartsuz,
orriz orri, abaroz aurrera
eriotza garaituz,
eguzki epelaren altzoan
biziari agurka,
edertza betean
eskurik eskura,
biotzak zantzoka pilpil, aoratuz
anima guztia!
Ta, zerubide zabal-zabal bat
iriki da gauetik goizera,
nortasun bizian
biotzerantz daraman bide alai,
maitasun elburuzko
elkarmin, itxaropen aundia...
argi bigunezko
gastetasun bide,
pozez beteriko
ego zeruratze!
Ta, mitxeletak, millaka egaz
lorerik lorezko ametsetan
jabetu dira bai, lurriņakaz
eta, txoriak mokoka, aurrez
goiztari dabiltz kabi lorretan,
urretxindor dei, abots eztira
eguzki epel gozo-gozotan,
marti zozoa dala kantari
azkarrena bide bazterretan.
II
Oi! ze egaztadak
argi bigunez, goiz ezean
amets ta, lillura bizian
egaletan gora,
itxaropena dakarten bide
eder, pozgarriak...
Ta, bizitz doņura
unerik unerako arloan,
ze goratze sakonez beteak
Iainkozko betean...
Oi! ze biozkada zoragarriak!
