Zer ikusi ura ikasi
Gaztelu
Bi begi beltzez dindil ziņan
ibilli, amets-egille, lillura.
Ez oartuki, baņan bai zuzen
zure elburura, lillura.
Oi amorru gaitzen lotura!
Bi begi beltzen begiņo arek
zororik zeunkan begi-belarri;
zerk zeramakin baitara gabe,
ez noruntz zendun ibillera.
Oi begiņoaren ardura-ardura!
Bi begi beltzez dindil zeunden,
katerik gabe, baņan atxiki.
Nork zesaizun orduan zuri
obe zenula azkatasuna?
Egaldun oar bai zenion
zerorri: oi ura zoriona!
Ez lorik, ez zer besterik, ura
zenun eginkizun bakarra...
Baņan, azkenik, iratzar ziņan,
erori zitzaizun begi lausoen
gandu betea: baitara ziņan!
Zer zan ura? Bein bakarrik
txasta oi dan esan-eziņa!
Aldez aurretik jakin oi danak
zer ajola dio? Deus ere ez,
baldin nork bere buruan ezpadu
ikasten: orduan zentzadura.
Zure maite-zoraldiaren
azkena, orain ondo dakizu:
zerorrek zugan jakin dezuna.
