Zure lenengo jaunartzean
I. Olabeaga
Gaur, goiz-erdian,
Lartaun Yosutxu,
gorputz begiak
itxi ta... itxu,
zuri begira
nintzan, maitetxu!
Ta... urrutitik ikusi zaitut
Aldare aurrian belauniko,
lili txuri-txuri, lirain antzo.
Zure biotz lilluragarria
zabal, Yosurentzat irikia;
Yainkoarekin muxu ta muxu.
Ni... zoraturik,
zuri begira...
Zeruan ote
nintzan galdezka.
Nork du lurrian
olako poza...?
Yosu Lartaun... Yosu Yainko-Seme...!
Aingerutxo ta... Osti zuria,
estu... bat egiņik ikustia...
ez al da benetako zoruna...?
Gorde beti olako zerua,
Yosu Yauna begiz ikusi arte.
