Txantxan-gorria

X. Lazkoz

 Txantxan-gorria,

 ongi etorria

 nere leiora urrian.

 Zure abestia

 nik aditzia

 komeni zait urbillan.

 Uda osoan

 libertadian,

 zure gustora ibilki.

 Otzak somatu

 unat abiatu,

 agertu iaiz umilki...

 Belen'go errian,

 Yinko sortzian,

 angiruen arte kantari.

 Orduan bezala.

 orain bereala,

 kanta diozu gure aurrari.

 Arto xokorrak

 ta ogi papurrak

 nere eskutik yaintuzu.

 Ez arriturik,

 ez iziturik,

 bakean jaten al duzu.

 Zu gaur kantari

 gure aurrari

 on iten diola somatzen.

 Zuri entzun ta,

 iratzarri da

 irri gozo erakusten.

 Gorri ta oriak

 mile xoriak

 badira oian oietan.

 Zu bakarrikan

 sartzen etxe untan

 negu igaro bakean.

 Gure gaindeia

 bete betia

 artoz ta ogiz badago.

 Yana guretaz

 bai ta zuretaz

 izanen da urte guziko.