Neskatil lirain bati...
Muniategi'tar Sabin
Nai ba'dona,
tori ene biotza
zeurearen ordez.
Baiņa argi nai neuke argi-argi
zeure soin lirain ori ikusiz
ene soin argal au erakusteko
argi-argi nai neuke oso argi.
Bion artean
ume antzo,
ez bekoki illun
ez eskuturik:
zeru garbia
izarrez beterik!
Ez etorri itunez edenduta
malkoakin! Etorri bai larrosakin,
biotz ori pilpil, mosu emotean
odol gastearen dardara biziakin!
Nai ba'dona,
tori ene biotza
zeurearen ordez.
