Ama ta guda

Maruri'tar Erramun

 Udabarriko begian

 itzultzen da elaia

 udazkenez itxi eban

 txoko maitera alaia.

 Baiño guda gogorrean

 il dan seme gaixoa

 ez da ez iñoiz itzultzen

 amatxon berotara.

 Amatxo negar ta negar

 miñez il bearrean

 ta gorpu bere semea

 urrun lur arrotzean.

 Arduraz ta maitasunez

 asitako semea

 ia beti gogorkeriz

 diñot kentzen dotsela.

 Ia beti inenpetzeko

 nor berea ez dana,

 gorrotogarri egiñik

 odolez gorrituta.

 Amarena zoritxarra

 asirik seme ederra,

 diñotsenean: «gudari

 il da zure semea».