Udaberri-ko goiza

Satarka

 Argia,

         Argia!

     Goizaldeko argia,

     Argi alaigarria...

 Arintzen duzu gogoa,

 Eta zutitu biotza.

     Zelai-lurrak beroa,

     Landareak bizitza.

         Argia,

         Argia!

     Loreak usaiona,

     Beudekin zoriona!...

 Txoriñoak pozez, alaiki,

 Maitez kantatzen dute ederki.

         Argia,

         Argia!

     Goizaldeko argia,

     Argi zoragarria.

 Zuk baztertzen duzu illundia...

 Zu zera gure pizgarria!

         Argia,

         Argia!

 Udaberri'ko goiz-argia,

 Argi bizi, unkigarria...

     Zabaltzen duzu

     Maitetasuna,

     Ta poztu, maite,

     Miñez dagona.

     Zu zera gure

     Argi kutuna,

     Gazte ta zarren

     Alaitasuna!

         Argia,

         Argia!

     Jainkoak guretzat

         Egiña,

     Gozatzeko gure

         Samiña!

 Lurtarrok, gaur poztu gaitezen,

 Argi ederragatik, bigar

     Izango dugu ikus

         Eziña!

 Eskarrak Zuri, Jaungoiko ona,

 Zu zera gure zoriona!

 Zuk bialtzen guri argia,

 Alaitzeko gure bizia!