Musika
Gaztaņaga
Musika... Jo ta jo tan-tin-tan pianoa...
Aurrea illun... zeru-izar antzekoa
nun nai: bide, baserri, ta bertako zelai...
Pianoa xamurki tin-tanean alai.
Eguberri-abestik datozkit burura...
Goxo ta eder aztuz, maiz naute lillura.
Entzumen-uts, entzuten neukaten arduraz
Barnera bil, naizen su, ta biotz-ikaraz
lerte-zurren bakoitzez. Ardo goxo moskor
lez nigan, zoratzen naun pil-pil kilimakor.
Abestiok, Gauonez soillik, âl entzun...
Tamala! Zertan Jainko'k musikari enindun...?
Barnez, kilima-gose...; zoramen-egarri,
entzumenez... Abesti-eske nago larri.
Nai ainbat aldiz... naira... beti entzuteko...
Musika nik nerekin —zeru!— ibiltzeko...
Jainko, etzenidan, ba, jar abesle-eztarri...!!
Zertan, Musika-Iturri, ez ni musikari...?
