inprimatu
Beera bear au...!
Izenburua:
Beera bear au...!
Sinadura:
Luis Mari Mujika
Urkizaren iruzkina:
Egilea(k):
Mujika, Luis Mari

Argitalpena:
Olerti.
Urtea:
1962
Argitalpenaren urtea:
Alea:
1962 I-II Zortzikote
Orrialdea:
24-25

Beera bear au...!

 

Muxika'tar L.M.

 

 Nekearen atsez, arnasa zimel

 sar naiz, baso, zugan, indarrak ergel.

 Oroigai moreak, zaizkidat itzul.

 —Ezin dut geiago— barnean illun...!

 

     Udazken erdoiak azkazal bailitz

 landaren miñean urra nau nagiz.

 Au naigabearen azkure ittuna,

 au gauz igartuen joan samiña!

 

         O, zein dan alargun

         bera bear au!

         Itzalien lagun

         miñak artu nau!

 

     Oparo lurriñez, barne!, eten zera

 margoen egarriz gorri-ederrera.

 Bidea zauri da... Odol-ixuria

 gaiñezka datorkit begi urdurira!

 

     Bideari gora dagiot nekez.

 Barna ainbat eta dut samiñagoez...

 Zer duzu, biotz? Orain joanen

 etsi-eziña ote zaude ozkatzen!

 

         O, zein dan- gordiña

         biotz zimurra!

         Landak du sentia

         dardar izua!

 

     Erio aularen eldu zait kezka.

 Atsedenik ez dut, amets etena!

 Gogai auetan bil, arnas zaharra

 erne zait motel ustegabera.

 

     Kemenak didate lotsaz utsegin.

 Naigabe giroan biotzak ezin...

 Inguratua naiz itzal motelez...

 Barne!, garaituko ote duk ala ez?

 

     Neguak begira nau aul, zurbilki,

 ta zorne-azia zaiñoi erantsi...

 Eten naiz ta irauli... Miñak narama.

 Erditu da nere bèra-bearra

 

 


inprimatu