inprimatu
Euskeratuak
Izenburua:
Euskeratuak
Sinadura:
Amado Nervo, Antonio Machado, Juan Ramon Jimenez
Urkizaren iruzkina:
(Eusk.: Luis Mari Mujika)
Egilea(k):
Mujika, Luis Mari

Amado Nervo, Antonio Machado, Juan Ramon Jimenez

Argitalpena:
Olerti.
Urtea:
1961
Argitalpenaren urtea:
Alea:
1961 IV
Orrialdea:
296-299

Euskeratuak

 

A. Nervo

A. Machado

Juan R. Jimenez

euskaratzailea: Musika'tar Luis Mari

 

Udazkena iritxi da

                                 A. Nervo'rena

 

 A! Nere pake maite-langillea,

 a! kanarioaren gogo garbi,

 liriku ta txairo ondoko,

 nere patxada bakartiak!

 

     A! Aize-egurats meea,

 zugatz-arnasez betea!...

 A! Leiotikan zear zeru garbia!,

 ta nere nardozko

 marmol-makillak (urrillako elur usaintsua! ).

     Guadarrama-tontor aundi ta

 izugarriaren zuritasun goiztarra!

 Orixka zera, baiña irridun

 zelaiaren guritasunean...!

 

     Eguzkia, obenen, motela urrutitasunagatik,

 baiño dirdiratsu ta babesti

 zure biguntasun zerutiarren!

 Adixkide zaar baten

 aurpegi ontsu antzera,

 —naiz zurixka izan—,

 eguzkia irriparrezka!

 

     Kimu, ernetze, lore bakoitzean

 alako edertasun zoragarri ta berandu

 batek mur-mur dagigu:

     «Udazkena nauk! Melankoli gurenez

 betetako Udazkena nauk!...»

 «Joan zen, neskatxa ain txorabiogarri

 biurtzen duan udara;

 joan, anima ta gizak eragiten

 dituen kemen-garrak;

 iritxi, ordea, ixillaldi barearen ordua...

     Pentsa ba, lasai, Arkano'gan.

       Ixo! Pentsa!»

 

Nazka

                                 A. Nervo'rena

 

 Neke guzien okerrena neregan

 nerekiko neke bildurgarria!

 Nora jo, (ni gabe),

 nora zentzunen oiu zabarrekin;

 nora nere alperrikako griñen erle-soiñukin...?

     Ikusiaren nazka ezin-etsi

 ta edanaren mingotza-ondorengo

 ezpaiñen egarri ausiarekin...?

     A! Pake-itzal, baretasunaren,

 ixil-giro goitar ta lasaitasunaren

 nolako gosea neregan...!!

     Lo, lo!

       Lo, bai, betian

 

Zeru-ertzea

                               A. Machado'rena

 

 Asperra bezin arrats argi ta zabal batez

 —udara erreak bere ezpataz eragitean—

 milla itzal asmatuak

 (—zelaiean tente—)

 nere amets sakon baten

 mozorroa (fantasma) kopiatzen zuten.

 

     Sarkaldearen dirdira, ispillu gorribizi zen...

 Buka-eza zaarrari, zelaiean,

 sugarrezko kristala,

 botatzen ari zen amets sakona...

     Ta nik odolezko sarkalde urrutian

 nere oinkadaen oiartzuna (eco)

 entzuten nuen;

 geiago... oraindik: egunabar

 garbi baten eresi alaia...

 

Eguzkia

                               A. Machado'rena

 

 Eguzkia sugarrezko bola bat da.

 Ta illargia ubel, borobilla...

     Uso txuri bat kokatu da

 zipres luze, zaarrean.

     Mirtoen kuadruak

 ille auts-ximelduak dirudite.

 Loretegi ta arrats geldia!

     Ta... ura tantaka

 marmolezko katilluan...

 

Zipres beltz

                               A. Machado'rena

 

 Zipres beltz baten atzean

 illunabar ubelaren

 txingarrak keetan.

 Lorearte itzaltsuan, amets ixillean,

 an dago iturria

 bere arri-Maitasun

 egatsu ta erantzian.

     Ta... mur-murrezko katilluan

 etzanda ur illa.

 

Nere maite?

                               A. Machado'rena

 

 Nere maite?... Gogoan al dituzu

 —esan— erreka legortuan

 ori ta belaxkatuak dauden

 zume xamur aiek?...

     Gogoan al duzu

 udarak karetu (kixkaldu) zuen amapola

 —amapol ximela—

 —landaren kizkur beltza?...—

     Gogoan al duzu

 iturri izoztu batean,

 goizean dirdiratsu,

 dar-dar eten dagin

 eguzki otz, apala?...

 

Neguko eguzkia

                               A. Machado'rena

 

 Eguerdi. Parke bat.

 Negu. Bidetxior zuri;

 muño berdiñak,

 adarrak ezurretan.

 —-Neguko lorategian,

 urresagarrak tarroan,

 ta palmondo bat

 tupin berdeatuan.

     Aguretxo batek

 berekaxa, dio:

 «A! Eguzkia, eguzkiaren

 ederra!...» Umeak bitartean

 jolas...

     Ta iturriko ura

 irristaka ta arin...

 amesten ari da

 miazketa ixillean

 arri berdoxta.

 

Errimiña

                             Juan R. Jimenez'ena

 

 Itxasoa baratzetik;

 baratza itxasotik?

     Joan kantari ibiltariarekin;

 urrutitik entzun kantari?

     Eresi gozo-mingotza.

 Eguzki izpitxo bat,

 ta loretegi ixurleak

 argi ta maitasuna d'ixuri.

 Eguzki izpitxo bat,

 ta nere begi negartiek

 argi ta maitasuna urtuko dute!

 

 


inprimatu