inprimatu
Nere zeruko Amari
Izenburua:
Nere zeruko Amari
Sinadura:
Koldo Jauregi
Urkizaren iruzkina:
Egilea(k):
Jauregi, Koldo

Argitalpena:
Olerti.
Urtea:
1961
Argitalpenaren urtea:
Alea:
1961 IV
Orrialdea:
264-266

Nere zeruko amari

(Arrisku batean)

 

Jautarkol

 

 Ene Amatxo,

 nere Zeruko Amatxo...

 Berriz Zugana

 nator naigabez ta gaxo.

 

 Etsai gaiztoak

 puskau didate biotza:

 nere alboan

 ikusi det eriotza.

 

 Ots-egin dizut

 Amatxo errukitsua...!

 Eta maiteki

 luza didazu eskua.

 

 Zaurietatik

 odola dariodala

 natorkizu, ai!

 guztiz aul eta makala.

 

 Tristura beltzen

 erdian daukat anima...

 Zoritxar ontan,

 noruntz joko nuan, ba, Ama?

 

 Ama zera-ta,

 Amaren Biotza dezu

 semearen zai

 zaude beti errukitsu.

 

 Nabaitzen zaitut,

 Amatxo, nere alboan...

 Aur bat bezela,

 artu nazazu besoan.

 

 Estu nazazu

 zure kolko maitetsuan:

 erre nazazu

 zure Biotzaren suan.

 

 Ta zure eskutik

 ez nazazu beņere utzi:

 aurtxo txiki bat

 bezela, zaitu, Ama, ni.

 

 Bestela, etsai

 beltzak ilko nau betiko,

 ta, Ama maitea,

 betiko zaitut galduko.

 

 Orixe baiņo

 iltzea nai det naiago...

 Mundu ontatik

 eraman, ba, ni lenago...

 Zure besotan, Amatxo...

 

 


inprimatu