inprimatu
Nor gizatxar?
Izenburua:
Nor gizatxar?
Sinadura:
Eusebio Igartza
Urkizaren iruzkina:
Egilea(k):
Igartza, Eusebio

Argitalpena:
Olerti.
Urtea:
1961
Argitalpenaren urtea:
Alea:
1961 IV
Orrialdea:
Azal barrua

Nor gizatxar?

 

E. Igartza

 

 Lenengo egunkietan

 konbentu batean

 praille bat bizi omen

 beti asarrean.

 

 Oillarrak bezelatsu

 noiznai anaiekin...

 Besteak zirala, uste,

 gizatxar berekin.

 

 Ta pakearen billa,

 egun batez ara

 praille gajoak iges

 zun basamortura.

 

 Pake gozoa arki zun

 bakardade artan,

 bare-bare ta legun

 irripar aoan.

 

 Bein, deabruak noski,

 puskatu pitxarra...

 Ikusi ba'zenu zuk

 nola zan asarra!

 

 Begietatik txinpart,

 pusketai ostiko...

 esatekoak ta bost

 pitxar arentzako.

 

 Kontura zan, onera

 biurtu zanean

 bera zala gizatxar

 anaien artean.

 

 Itzuli zan berriro

 lengo konbentura;

 geroz izan omen zan

 goxo, ezti antzera.

 

 Etxeetan ba-dira

 orrelako uxo;

 bestek diralakoan

 berak izan otso.

 

 


inprimatu