|
Illargia
Deunoro
Egunak ondoren
dakar gau illuna,
zeiņetan dana dogun
negarra ta ituna.
Baiņa or agiri da
illargi biguna,
itxarozko argia
bialtzen dauskuna.
Gabeko pizti txarrak
jainkotzat autua,
itzal zabala dozu
zeure erreiņua.
Ba-dakizu zeugantzen
maitez ikutua,
itz-jarioka jarten
lotsor izutua.
Zure arpegiak oro
dauala sorgintzen...
Zegaz gozuz guztiok
orrela limurtzen?
Zu ikusiz maitatiak
asten dira mintzen,
biotz kili-kiliak
alkarri agertzen.
Naiz izan gau-erregin
ta pizti jaingoiko,
ba-dozu indarra gure
ituna alaitzeko.
Gau izar zoragarri,
ene bizitzako
damostazun laguntza
bein be ez dot aztuko.
|
