inprimatu
Pasce oves meas
Izenburua:
Pasce oves meas
Sinadura:
Joxe Austin Orbegozo
Urkizaren iruzkina:
Egilea(k):
Orbegozo, Joxe Austin

Argitalpena:
Olerti.
Urtea:
1961
Argitalpenaren urtea:
Alea:
1961 III
Orrialdea:
192-195

«Pasce oves meas»

 

Orbegozo'tar Joxe Austin, Pasiotarra

 

                         (Elorza'tar Martin Moyobanba'ko Gotzai mixiolariari )

 

 Palestina:

 

 Ortzea urdiñ,

 argiz txanbeliñ...

 Lurra kixkalki, agorra.

 Giroa gori,

 galdaz sargori...

 Udazkenaldi elkorra.

 

 Itxas ertzean Jesus-Jainkoa.

 Apostoluak

 ingurumari naasian.

 Kaxoartea, lagunmiñ-bera...

 Jo du orduak

 Jesus'en barne larrian.

 Guzia ixil, arnasa geldi,

 dardar zeruak...

 Jesus ta Pedro auzian:

 

 —Maite al nazu, Pedro,

 auek aiñean?

 —Zuk dakizu maite zaitudala

 nere aalean.

 Iru alditan aitortza bera

 eskatu legean

 iru aldizko agindu ziña

 «Zaindu nere ardiak»,

 Jesus'en ezpaiñean...

 

 «Pasee oves meas» eta

 —ixkanbillazko mirari!—

 gizon bat eliz-oiñarri,

 Kristo beraren

 nortasun zati!!»

 «Zaindu nere ardiak» eta

 Pedro'ren barnea

 larri,

       kezkati,

                   urduri...

 itxaso zakar

 betillunaren iduri.

 «Paste oves meas»,

 arrantzale utsa izanez

 gizonen artzai,

 gidari;

 Kristo'ren ordezkari!!

 

 Euskalerria:

 

 Mendi, basoak;

 zelai, soroak...

 Garo lurriña betean.

 Egurats bare,

 onbidez pake...

 Zeru ta lurra urrean.

 

 Uri ertzean ixil, bakarki,

 lekaidetxea,

 Pasiotarren kabia...

 Jo du orduak Jaunarenean

 eta ortzea

 orra lurrera jetxia.

 Argi-printzatan katiatua

 zerubidea!

 

 Jesus ta Pedro'k auzia

 —Maite al nazu, maite,

 auek aiñean?...

 —Ondo dakizu, Jauna,

 maite zaitudala

 nere aalean.

 

 —Maite al nazu, Pedro,

 auek aiñean?...

 Iru galdera, iru erantzun.

 Auzi osoa

 Pedro'na. Pedro garaille!

 Zaindu ELORTZA, zaindu zuk nere

 artaldetxoa,

 —Jesus'ek beti maitale—.

 

 «Zaindu, ELORTZA, nere ardiak»

 eta mirari! Gizon neurritan Jainkoa.

 Gizon soil, utsa aukera Kristo'k

 erri-gidari...

 Jaungoikoz jazte erosoa!!

 

 Atzo Pedro'kin

 ta gaur zurekin

 Jesus'ek berdin jokua.

 Atzo urrutin,

 gaur Euskalerrin,

 —«zaindu ardiak»— tratua.

 

 Artzaia zera

 Kristo'n antzera,

 ba-dezu gaurtik almena.

 Agur asea!!

 Aintza betea!!

 Guztion partez omena!!

 

 Gazte sugarra ertsi sortatuz

 agur sutsua!!

 Elortza Jauna, biotzez.

 Agur sutsua, ez asmakeriz

 nunai sortua,

 ez erosia iruzurrez...

 

 Agur-agurra,

 leial ta zuurra...

 urduri beziñ egana.

 «zurekin goaz

 lagun asmoaz»,

 ago betean diona.

 

 


inprimatu