Olerti

Gaztelu

                                 «Avec comme pour langage

                                 rien qu'un battement aux cieux

                                 le futur vers se dégage

                                 du logis très précieux.»

                                                     Mallarmé (1887)

 Zerurantz doan egaketa arin,

 len beltz ba'zan ere orain oztin,

 ta gezi zorrotz elburutzat osin,

 eziñera bide amets egamin.

 Argi? margo? gezi? ala ego?

 eta mintzoan oiartzun betirako

 Diana'k esku-eragiz uztai alako,

 izarren bidastean aztarren edo.

 Eta aratz (or ere nunbait ispillu

 etziñalde-argiz barnea dizdizu,

 urre-errauts ukieziñaz subizgu,

 ez odol-erio, adirnen-sukatillu...)

 Orla nabari bekit ire eskutan

 betidanik darion Itza sutan.