|
Zure oroiz
(Naparroa'ko mendietan)
Dirauket
Baso itzaltsuan barna
zuganako maitasuna
samurragoa biurtu yatan.
Samurrago zu, kutuna!
Mendi goi argitsuetan,
biotza maite garretan,
zureganako maitetasuna
indartsuagotu yatan.
Basoko itzala bai leuna!
Zure begien sakona
atsegiņago yat: ortan dakust
zure barne-edertasuna.
Loretxoak eguzkitan
zabuka, mendi-mendian,
apal, bakunik. Olakoxea
irria zure ezpanetan.
Mendiko aizea baizen
garbi zure gogo-almen.
Izadia ez izan zure duin.
Ez, ez da maite-itsumen.
Baso itzaltsuan barna,
mendi goietan barrena,
zure irudi-gogorapenak
ekarri eustan Zoruna.
|
