Alper-zintzoen dema
Etxaniz'tar Nemesi
Ikasle alperren doiņua
Egunero igandea ba-litza,
Ai, gure poza!
Zelaietan bilduko genituzke
milla larrosa.
Idazti denak erreko ba-lira,
Ai, gure poza!
Gure bizitza izango litzake
josta ta goza.
Ikastolarik iņun ezpalitza,
Ai, gure jaia!
Nexka-mutikoz beteko lirake
kale ta kaia.
Azterketarik beiņere ezpalitza,
Ai, gure jaia!
Pozaren-pozez lertuko litzake
gure anaia.
Maixu denak gaxotuko ba-lira,
Ai, gure dantza!
Mundu guzian entzungo litzake
gure arrantza.
Ikasle zintzoen erantzuna
Beti jai ba-litz, nork irabaziko
luke ogia?
Goseak laster ondatuko luke
gure bizia.
Ikastolarik gabe ba-genitu
gure erriak,
basapizti biurtuko lirake
gizon guztiak.
Ur guztiak agortuko ba-lira,
Ai, gure miņa!
Nork garbituko ote liguke gure
musu zikiņa?
