Zer egin duk gaur!

Bordari

                                                           Azaroak 15, 1960'gn.

                                           Itxasoak, Zumaiko sei mutil irentsi

 Bekaitza'ren seme

 alditan itxasoa;

 egun bekaitz ezik,

 bizi du amorroa.

 Oi! bere orroa!!

 Ez al du goseti

 sabel-zomorroa?

         * * *

 Arkaitz gaiñean

 Itxas txoriak...

 Zumai aldeko

 mutil yoriak;

 txoriño yostalariak.

 Arkaitz gaiñean

 mutil erniak,

 —bizitzen asi berriak—

 mutil tolesgabe

 aitamen semiak.

         * * *

 Alako batean

 —arrantzale erri

 errukarria—

 Auiñ itxurnustuak

 Aoa-zabal...! Rau!

 Irentsi sei aur!!

         * * *

 Itxas

 Gaizto

 petral!

 Zer egin duk gaur!

 Bi arraiño trixteren truk

 semerik gabe utzituk

 ainbeste guraso

 ai, itxaso!!

 Lander

 Zikiñ

 Madarikatu...!

 Zer egin duk gaur!