Zergatik, Jauna?

Joakin Aldabe

 Negar zotiñian ama

 siaskatxo ondon dago.

 Gaitz beltz atzaparretan

 semia erori zago.

 Bere bizitzen zati

 aingeruen antzekua,

 laxter ikusiko du

 lekuz aldatua.

 Otoitz berok zerura

 zuzenduagatik,

 entzun gogorra zaio.

 Ez dauka errukirik.

 Urratu dezu, Jauna,

 amaren biotza.

 Au da saminitasuna

 bakartasun otza!

 «Zer pekatu egiñ du

 ume txiki onek?

 T'orrela zatitzeko

 nik egiñ ote det?»

 Zu ixillik zaude. Jauna,

 t'ez dezu erantzuten.

 Erruki ama onetzaz,

 kupitu zaite, arren!

 «Zuk nere aurtxo txikiya

 maitez artu dezu.

 Beragana len bai len

 eraman nazazu».