inprimatu
Lurde'n gogartez
Izenburua:
Lurde'n gogartez
Sinadura:
Jose Agerre
Urkizaren iruzkina:
Egilea(k):
Agerre Santesteban, Jose

Argitalpena:
Olerti.
Urtea:
1961
Argitalpenaren urtea:
Alea:
1961 II
Orrialdea:
118-120

Lurde'n gogartez

 

Agerre'tar Joxe

 

 Mundu guzian hotsez ditugu

 Mirenkunde zoragarrik;

 guti direla ustean gaude

 Lurde bezin doaturik.

 

 Urtamu dauka Miren'ek orain

 denez geroz agerturik;

 iñoiz iñorat ainbat beilari

 heintsuz ez dira eratorrik.

 

 Bai-du Jinkoari gurtz-egikeran

 zeñek ta nork berezgarri;

 nekez dirade untan xokoak

 Lurde-eretzen ikurgarri.

 

 Ainbat gizaki, gendetan motak,

 enda t'erritan, ¡oi! zarri;

 bakan diteke bildutasunik

 bertan bezinbat igarri.

 

 Ñarroste dugu sakon gogoan,

 zuñetan nabai dardara,

 dela zaudeleik harpe gozoan,

 dela zoazin tokietara.

 

 Elizan ere so bat jaurtikiz

 an-idatzien aldera,

 zer eta nola degun sentitzen

 ezin ekar eletara.

 

 Funts ez ain larri-gauzetan ere

 irixte da zinez aundi,

 Andrane'k daukan esi xukunak

 izan dida bihortz-unki.

 

 Atariz dago esi pollit au,

 leiza alderuntz, iriz aindi;

 loreak ditu eze ta frexko

 atxon atxonez usaindi.

 

 Ohargarrietan xitezki gallurt

 Katoliku orobata;

 baleike Lurde'n dadin geiena,

 Roma ba'degu kenduta.

 

 Asiarrak, afro, an dira ageri;

 oro-gende, nabar eta;

 aindana mezak izaten dira,

 urrun-apezak emanta.

 

 Eriez ere zer aipat emen,

 —berria llabur beharra—

 Jinkoak, guzialdun, bertan derakus

 sendagailetan eskarra.

 

 Alatzez asi Lurde'n omena

 Berñate xinplek an-lurra,

 Andrane'n kiñuz, aztarrikatzen

 jarri zelarik bizkorra.

 

 Mila zortzireun berrogei ta amar

 zeru-marka dun zortzion

 t'Epallan ziren Andrane'n itzak

 ogei ta bostain goizeon

 

 Jaun Peyramale'k neskaren tartez,

 baia azkenik bildu zion

 «Sortzez Garbia Ni Naiz» erranik

 den lurbirari eda zitzion.

 

 Arrezkeroztik urmenak, zintzo,

 bertan dirau emailenik;

 untzi milloitan ura da bildu

 beilariek ordudanik.

 

 Gañez osinak an dira beti,

 ez dun ur ok sendamenik,

 osa bai osa, soin eta gogoz,

 naikoa ba'da sinismenik.

 

 Soin eta gogoan ongiak alde,

 zeini jarriz berarena,

 ¡oi! zenbat bider askoitz leukike

 gogozko ongiak aurrena.

 

 Oñazez minki etzanik Lurde'n

 Andrane'ri so egon dana

 autemanik da zin eta argiro

 sano zunetz itxarona.

 

 Aratz Andrane, Auñan aundiena,

 Mirenkunde guthunkari,

 heltzen azkentho izanik ere

 milloika thuzu gurkari!...

 

 Leiaz gatortzi zuri atxikiok,

 laguntzaren eskekari,

 otoitz dizugu, Ama Neskaso,

 Agur Miren, Ave Mari...

 

 


inprimatu