|
Pillota-saioan...
Muxika'tar L.M.
Erritalde sailla
pillota tokira
alaiki jetxi da.
Enbidoka an daude
Joxe Mikel eta
Matin Ormaizteiarra.
Au eziñik palta!
Erri guztia inguruko...
Ixtillu ta maxio pranko...
«Auen artean nor geiago,
laixter diagu ikusiko...»
«Zato ta laurden aixkide,
«Joxe Mikel'en alde,
sei t'erdi barruan baietz
irten Zarraren mende!»
Pelotariak utzi
dituzte ia tresnak;
espartzin polit jantzi,
ta kaskoan txapelak.
Ormaiztegik du
begitan kiñu,
lagunak berriz
tentea buru.
Pillota biak
eskutan dar-dar...
«Au dek obego,
beste ori txar...»
Jokoian dira
onezkero sar!
—«Aupa,
mutillak!
Egin
aleiñak!
Mikel,
entzuiak!
Uste
guztiak,
igan
dizkiat!
Ala
ziok ta
ire
sasoiak!!»
«Astindu
gor!
Eskuira
joz!
Ori dek
ots!
Sakena
otz!
Ir'esku
txotx,
baietz ein
pot!!»
«Apurtu zek Zarra!
Atzetik bestela,
sekulan sekula;
geldituko aiz-ta!!»
«Jo lasai Azpeiti!
Kontuz'. Prest eduki
Geldi..., atzera
eskubi-ezkerra!!»
Egiñal gorrean dabiltz
bata-bestea;
Azpeitik amabi t'amar
dauka aurrea...!
Zarra zaleak ageri
dute kezkea.
Kopeta illan ta makur,
begi trixtea...
Pillota zaztada aldiko
ernai jendea:
bildur norena ote dan
urren sakea.
Alere, Ormaizteiarra
jarri da tenplen,
ta burruka bixi-bixi
bat asi bat-baten.
«Aupa ta gora
Ormaiztegi!
I aiz tajuzko
aurrelari!
Beste aldera
pillot'ori!
Orain atzera
leun ta geldi!
Ori dek eta...
Mugi t'ausi!!
Benjondeikala!
Beste tanto bi!!»
«Jo! Ekin, moteillak!
Amaseina biak!!»
«Oker ta zorroiz
irten sakea!
Astindu..., ausi!
Tanto bestea!
Eutsi jokua!
Orain onea!
Gorde aurrea!
«Oi dek tirea!!!
Ekin bai Zarra!
Jo eskubira!»
Bukatzera apustua...
An ez da atsegin...!
Zorigaiztoko iskanbil
nun-naiean dabil!
«Txapeldun diaga Mikel!
Ez Zarra bezin
pelotari trebegorik
etxegoak ludin!»
Jolasketak azkenari
ia egin dio.
Pelotarik jo ta kia
izerdi-jario.
«Eup, eman! Sake au dezue
azkeneko saio!»
«Azken aldi
Azpeiti.!
Zerate ia
iritxi!
Zarta pillotn
t'igurtzi!
Bota eskuira
poliki!
Ba-dek zerbaiten
malizi!»
«Bejondeikala
Ormaiztei!
Aupa! Jo berriz...
Ederki!
Bat-baten
euki!
Beste au
eutsi!
Eskuira
begi!
Eman! Jo
bizi!
Zarta ta
ausi!
Ori dek
ori!!»
«Gaur beintzat
Ormaiztei!
Ditudak
merezi,
gutxinea
irazi,
ogeita
beste bi!!!»
|
