inprimatu
Argia bera
Izenburua:
Argia bera
Sinadura:
Orixe
Urkizaren iruzkina:
Egilea(k):
Ormaetxea, Nikolas

Argitalpena:
Olerti.
Urtea:
1961
Argitalpenaren urtea:
Alea:
1961 I
Orrialdea:
9-10

Argia bera

 

N. Ormaetxea (Orixe)

 

                                                                   Lux hominum,

                                                                 Gizonen argia.

 

 Illik, illunik Argia bera.

 Illunak ote du

 garaitu betiko?

 

 —Ez; obiaren

 zoko illunetik

 eguzkia baiņo

 argiago ialki da

 lumen Christi

 Kristo'ren argia.

 

 Eliz-etxeetan

 larunbat gauaz,

 illun beltzean,

 goizaren zai gaude.

 Mane lucescit.

 

 Atoz, argi-xinta,

 gure barrun au

 argiz betetzera.

 

 Lurrak ez du berez

 emaiten argirik;

 alare, gizonak

 asmatu du nola

 arri mugerretik

 txinpartak atera.

 

 Kristo'ren antza du

 arri gogor orrek

 Christus erat petra.

 Moises'en aitzeri

 ur garbi dario;

 oni berriz sua,

 argi eta bero.

 

 Iru biurreko

 ezko-ziria

 sutzen du apaizak;

 Pazko-zuzia,

 maieko kandelak.

 Piztu bitartean,

 zintzoen erraiak

 iotzen ditu pozak

 Kristo'ren izpiak.

 

 Izarren dirdaiak

 eta argi onenak,

 eman bezaiote

 elkarri musua.

 Kristo illaren

 dirdai izkutuak,

 eman bezoia muņ

 gugan gorderik dan

 poz ixillenari.

 

 Otoitz eta otoitz

 agurotuko da

 argi-urratzea.

 Etorri, etorri,

 Kristo'ren argia!

 

 Gaiņezkako poza

 Apostoluena,

 Madalena'rena.

 Zer dakar argiak?

 —Lurraren ikara,

 magnus terrae motus

 gorputz animetan,

 zain eta muiņetan,

 ezur guzietan.

 

 Alaxe, nolabait,

 goiz-argiak eta

 egoa pilpillak

 esnatzen dute

 begi ta belarri

 lo zegon artzaia;

 baita beor-saillak

 arro arro dala,

 laugain irrintzika,

 aien azkazalak

 lurrari dardara

 daragionean,

 egun berriaren

 zantzua zabalduz,

 poz aundia sartzen

 dio erraietan.

 

 Otoitza: Meza, Kyrie, Gloria.

 Pozaren pozez,

 a lertu bearra!

 

 Au dugu urtean

 egun aundiena.

 Ote da kristaurik

 sumatzen ez dunik?

 

 Baiņan aurten ez dut

 poz orren berorik,

 ez malko bakarrik.

 Itzal-aldia?

 Ez; Iesukristo'ren

 argiak nigan

 nere animako

 xirrintaz batean,

 bi argi tartean

 gertatu oi dan

 etena dirudi.

 

 Itzal antzeko

 argi gorde ortan,

 ni oarkabean,

 biak elkarri

 muņ egin diote.

 Argi-eten ortan

 ez al da musua

 legunagoa?

 

 Ixil aizea,

 izarrak ixil,

 guzia iabal,

 anima ixil.

 Bego pakea,

 poz guziak baiņo

 doai obea.

 

 


inprimatu