Usoa egaz

Egieder

 Ondo nago ementxe.

 Eguzkia goian,

 geriza bigun, gozo

 zugatz orripean.

 Aurraldean garitzak

 eguzki galdatan,

 itxas urre iduri

 begi ninietan.

 Oi, usotxo zuriak,

 bakezko geznari,

 emaitz onen mait'miña

 erne yat, gaur, niri.

 Garitz gain zear dabiltz

 egazka, poliki,

 urre-moko ertzean

 ale dizdizkari.

 Eguzki, urre galdan,

 neskatx zuri jantzi,

 ibillera garbia,

 solorantz maiteki.

 Agur, giza-usoa,

 amets sort-iturri;

 garitza urrez, dirdai,

 zu, eskarrez jori.