Ez sar

Okil

 Ekaitza sorturik,

 zugaitz, etxe, laño

 dardarizaturik,

 zeuzkan aldagoik

 eta iñusturik.

 Jaio zan aitzpean

 erbi zar gizena,

 luzea zan aiña

 zegoan etzana.

 Begi bat istean

 erdi lotarako,

 trikua eldu zaio

 zori txarrerako,

 epur-bete toki

 arrenka... uzteko.

 Arantzak ezarri,

 kuxkur poxpolindu,

 toki gutxi bear dula

 adierazi nai du.

 Ikusiz gaiñera,

 erbiak sartzen du.

 Egin zuen arren

 sarrera goxua,

 ez-arin arantzak

 zutitzen zijuan,

 ta josiko ez ba'du

 erbi zar gajua,

 kabia utzita

 igesi dijua.

 Sar arte gozuak

 diraden arrotzak

 biurtu oi dira

 lakar ta zorrotzak.