Nere sort-etxeari

A. Fidel

 Zumarragalik Tolosa'rantza

 txoraturik noanean,

 baso ta zelaiz inguratuta

 patxadaz Kizkitza-pean

 SARRIEGI nere sort-etxe ori,

 ikusten zaitutanean...

 nolako, poza nabaitzen detan

 nere biotz-barrenean!

 Eder ba'zaio txoritxuari

 bera jai'o dan basua;

 maite ba'dizu amuarraiak

 asi dan errekatxua,...

 nola etzaitut nik maitatuko,

 nere, oiñ-etxe gozua,

 zu eta zuri izen jatorra

 eman zizun ingurua.

 Armarririkan naiz ez eraman

 zure sarrera gaiñean,

 besteok aiña zera zu ere

 sendo, zindo ta zarrean:

 Zure bizitza igarorikan

 pakean eta lanean,

 zindotasuna eman diezu

 seme donei odolean.

 Nere aitonek jaso zinduzten

 baserri eder-zabala,

 Zeruko Jaunak gizaldietan

 zutunik gorde zaitzala

 Ta SARRIEGI deritzan orok

 gaur geroz jakin dezala

 abizen orren jatorburu zeu

 ortxen ITXASO'n zauzkala!