inprimatu
Kanta Berriak
Izenburua:
Kanta Berriak
Sinadura:
Nemesio Etxaniz
Urkizaren iruzkina:
Egilea(k):
Etxaniz, Nemesio

Argitalpena:
Olerti.
Urtea:
1960
Argitalpenaren urtea:
Alea:
1960 II
Orrialdea:
82-83

Kanta berriak

 

Etxaniz'tar Nemesi

 

         Ba-da Prantzia,'n Aita jesulagun bat, Duval abizenekoa. Aita ori,

 kitarra bat artuta, kanta berriak asmatzen, eta abesten asi zan. Bere doiņuak

 orain, modan daudenetakoak dira, baiņa itzak animari dagozkionak.

         Bere gitarra artuta ardangela ta barretan sartzen asi zanean, lenbizi

 arrituita begiratzen zioten leku aietan batuak zeudenak; baiņa gerora bere

 abestiak oso ondo artuak izan dira baztar guzietan; eta orain, aide guzietara

 zabalduak daude diskoetan.

         Jesulagun arren antzera, ondoren dijoazen abesti bi auek, kanta

 ditzakezue gogozko ba-zaizkizue. Musika ezingo dizut eman OLERTI'n, baņa noiz

 edo noiz, zabalduko al degu doiņua ere. Orra, ba, itzak nola diran:

 

Argi-bidean

 

 Nola zera, nere anima,

 ainbeste pauso txar emana,

 Jaunaren agindu zuzenen igesi,

 urratuz ainbeste esi?

 

 Zure griņen aldapetan

 Arnas-estuka larri,

 zure biotza dezula

 pakearen egarri?

 

 Baiņa pake orrek eztu

 bide ortan etxerik.

 Zoaz Jainkoaren zelai argitara

 sasi-arte ortatik.

 

 Zorian-bide bakarra

 aurrean dezu gaurtik,

 sar zaitez argi ortan,

 illunpeak utzirik.

 

Zaude gurekin

 

                               (Mane nobiscum, Domine, quoniam advesperascit).

 

 Illuna gaiņean da

 gure biotzean;

 geldi zaite, Jainkoa,

 pixka bat gurean.

 

 Oi, zein luze datorren

 gabaren besoa!

 Oi, zein beltz erortzen dan

 aren erasoa!

 

 Bildur-ikara gauzka

 mendiko aizeak;

 uluka datoz gure

 etsaien kateak!

 

 Itxi ditzagun ate guziak;

 zaude, Jaun ona, gurekin;

 aparitara bildu gaitezen

 Ogi ta Ardo santuekin.

 

 


inprimatu