«Zure amorio»

Muxika'tar Luis Mari

                                                                 Ama Birjiñari

 Maite-min naiz

 amoriozko garretan.

     Opa zaitut,

 Amatxo, bene-benetan.

 Negar aldian zenbat bider,

         Ama errukitsu,

 hakardade mingotz miazka

         ikusi oi nauzu,

 zure laguntz ontsu eskean

         osoro leiatsu?

 Ordu aietan nere ai-ots

         zorrotz ta itunak,

 urratzen legunkiro ditu

         zure barne-muiñak,

 onela eskuratuz asko

         emaitz ta eskerrak.

         Maite-min naiz

     amoriozko garretan.

         Opa zaitut,

     Amatxo, bene-benetan.

     Etsaien erasoaldiak

         maiz naute zauritu,

     bere iskanbil ta orruak

         baita be bildurtu,

     naigabe eta tristuraren

         eskutan zapuztu.

     Baiñan zure irrimurria

         ezti ixurika,

     amoriozko su-garretan

         datorkit gaiñezka,

     atsekabearen utsune

         nere itzaltzera.

             Maitasun—

             amorio

                 Mariak

                 dario.

     Txoriñoen txio,

     uraren marmario

     xamur-leguna baiño,

     txit zait bai eztiago

     Mari'ren amorio.