Sortaldeko izarra

Igotz

 Sortaldeko izar zuri!,

     argi egidazu.

 Belen aldera, otoi,

 —beiñola iru aztiak—

     zuzendu nagizu.

 Ba-dot griña leial bat,

     danik biziena:

 Josu'ren aurrean nik,

 seaskari kulunka,

     ustu nai barrena.

 Baiña gau illunez nabil,

     biotza nasirik.

 Txoriak kantarik ez

 eguzki argiz baiño,

     ez baitau kemenik.

 Itun dago lorea

     gau-oxin baltzean.

 Aren gura bizia

 nok lekike, illuna

     astindu naiean!

 Izar! Oi, izar zuri!

     Sortaldeko izarra!

 Bizitza zear bekit

 bide-erakusle zardain

     zure argi-garra!