Perretxikoa eta barea
Arrugain
Arezti zabal eder batean
Perretxikoa erne zan.
Gabaz garoak, egunez euzkik
Jaboten eben guri-mardulik
Bedar-oroldi artean,
Ardura biziz zuzea.
Egun sentian, bare zikin bat
Urbildu yakon izilka;
Bere ondoren, adur lorratzaz,
Zabaltzen eban bidetik atsa
Zikinduz guztiz basoa
Erion lerde likitsaz.
Perretxikoak oartu eban
Aldamenean gelditzen,
Nogana zatoz? ots egon eutson.
Nogana zatoz, pristi likitsa,
Itxura zantar orretan,
Mendi-zelaiok atsitzen?
Zoaz neugandik, zoaz, likiņa,
Asun arlora bizitzen;
Sastegi dozu toki berengi,
Antxen dituzu lagun ugari
Zeu lango saskelizikiņak,
Lizun artean murgiltzen.
Barea narraz, bedar artetik
Zuza gaiņean jarri zan;
Aren gorputza likistu naiez
An ekin eutsan, sutsu joranez
Lerde likitsok jaurtirik;
Baiņa zuzeak emon edena,
Ta narraztia, blaust! erori zan
Zuza gaiņetik lurrera.
Ondorena
Gizon artean badira, gazte,
Barakarroak ugari;
Izil-mizilka etorko yatzuz,
Sarri laztanka, maiteki antzu,
Guzur politen sortzaille,
Gogo-biotzen galgarri.
Artu eredu perretxikoa,
Jaurti zugandik legena,
Ez emon toki biotz barruan,
Suspertu, arren, zure zentzuna,
Askatu, maite, gogoa
Ondamendian jausi baiņo len
Atara laster edena.