inprimatu
San Juan
Izenburua:
San Juan
Sinadura:
Juan San Martin
Urkizaren iruzkina:
Egilea(k):
San Martin, Juan

Argitalpena:
Olerti.
Urtea:
1959
Argitalpenaren urtea:
Alea:
1959 III
Orrialdea:
147

San Juan

 

Otsalar

 Dorre kanpaiak:

             dilin, dan...

 Bart sua agiri zan mendian

 ta uri guziak kanta «San Juan».

 Jaia gertatzen gaur plazan.

 

         Dorre kanpaiak:

             dilin, dan...

 San Juan, udearen atean:

 suzko-zezena kaleetan,

 eguzki-lorak ate-buruetan,

 

         Dorre kanpaiak:

             dilin, dan...

 Goizaldeko txistu doiñuan,

 kalez-kale, erriaren biran

 aurrak aintxintxika sokan.

 

         Dorre kanpaiak:

             dilin, dan...

 Oitura zarren itzalean

 eguzki jauna argi egin naian,

 ...goibel da, lenaren lausoan.

 

         Dorre kanpaiak:

             dilin, dan...

 Eusko semeak, anaitasunean,

 alaiki San Juan egunean.

 Illuntzeko Aremaritakoan:

 

         Dorre kanpaiak:

             dilin, dan...

 Jaia laisterka doa egan, erri aldarrika:

 «San Juan, nekez etorri ta bizkor joan!»

 

 


inprimatu