Ba'zeneki...

Erkiaga, Eusebio

 Ba'zeneki zuk buru-eiaran

 nik ditudan gogoetak!

 Alez beteak, ler agiñean,

 nire ametsezko lekak.

 Begi oietan zure irudia

 iñoiz zitzaidan dantzatu,

 eta arrezkero, kilikaria,

 ementxe zaida geratu.

 Alper-alperrik aldatu oi dut

 uri, kale eta aizea

 zugan zenduan usai gozo ark

 galerazten dit kordea.

 Ba'zeneki zuk arrats aretan

 egin zenidan zauria,

 izango nuke zure aldetik

 opa nukean saria.

 Bai sari eder osagarria

 amets au egia ba'litz...!

 Baiñan nire ta zure artean

 eragozpenak dira agitz.